North Macedonia | Select another site to see content specific to your location Change site

Website select
Global United Kingdom Czech Republic Romania Belgium Italy Macedonia
  • април 16, 2020
  • Новости

ЛИБЕРТИ Стил Групацијата назначи глобален лидерски тим и независни членови на одборот на директори

ЛИБЕРТИ Стил Групацијата денес најави формирање на нов одбор на директори со тоа што завршува и со консолидација на глобалните бизниси. Одборот ќе ја надгледува стратегијата и инвестициите на групата, вклучително и целта на ЛИБЕРТИ Стил Групацијата да стане јаглеродно неутрална компанија до 2030 година.

Со групацијата, со седиште во Лондон, ќе претседава Санџив Гупта, со директори назначени од семејството на компании на ГФГ Алијансата и пошироко, со назначени независни неизвршни директори, внесувајќи надворешна експертиза во групата.

Непосредниот фокус на одборот ќе биде да се справи со економската ситуација предизвикана од кризата со КОВИД-19 и да обезбеди бизнисот да е добро подготвен за закрепнување, кога ќе дојде време.

Извршниот претседател, Санџив Гупта, изјави: „Ова е важен чекор кога воедно ја комплетираме консолидацијата на челичните бизниси на ГФГ Алијансата во ЛИБЕРТИ Стил Групацијата. Горд сум на раководниот тим што го составивме, кој вклучува некои од најискусните имиња во глобалната индустрија за метали. Непосреден фокус на одборот на ЛИБЕРТИ Стил Групацијата ќе биде справувањето со импактот од КОВИД-19 врз нашите вработени, процеси и клиенти, и овозможување групата да биде добро подготвена за враќање во нормала.“

 

Главен оперативен директор на ЛИБЕРТИ Стил Групацијата ќе биде Арнo де Верт, кој до неодамна беше главен извршен директор на АЛВАНС Алуминиум. Главниот финансиски директор на групата останува В Ашок, кој се придружи на ЛИБЕРТИ Стил во 2019 година.

Два регионални претседатели ќе вршат надзор над меѓународните операции. Надзор над Австралија и Соединетите држави ќе врши Даксеш Пател, кој ќе продолжи со својата паралелна улога како главен извршен директор на ИнфраБилд во Австралија.

Во меѓувреме, Роланд Јунк, високо искусен профил во челичната индустрија, ќе ги надгледува ЛИБЕРТИ Стил во Велика Британија и континентална Европа. Некои од претходните позиции на г-дин Јунк се извршен директор на АрцелорМиттал и претседател на Бритиш Стил.

ЛИБЕРТИ Стил Групацијата исто така назначува двајца независни неизвршни директори кои ќе работат на најдобрите меѓународни практики за корпоративно управување. Австралискиот бизнисмен и ветеран од челична индустрија Реј Хорсбург АМ ќе се приклучи на одборот како независен неизвршен директор заедно со Пол Струијк, специјалист за природни ресурси и рударство, со огромно глобално искуство.

Санџив Гупта изјави: „Јас сум задоволен што Дак Пател се согласи да преземе дополнителни одговорности надвор од неговата успешна улога како главен извршен директор на ИнфраБилд. И со задоволство му посакуваме добредојде на Роланд Јунк, профил од челичната индустрија со огромно искуство чиј увид и експертиза ќе бидат непроценливи. Заедно со нашите новоименувани независни неизвршни директори, Реј Хорсбург и Пол Струијк, имаме исклучително талентиран одбор што ќе помогне да го придвижиме напред нашиот бизнис “.

Одборот во целост ќе се состои од:

  • Санџив Гупта, извршен претседател и извршен директор, ЛИБЕРТИ Стил Група
  • В Ашок, главен финансиски директор, ЛИБЕРТИ Стил Група
  • Арно де Верт, главен оперативен директор, ЛИБЕРТИ Стил Група
  • Роланд Јункк, претседател и привремен извршен директор, ЛИБЕРТИ Стил Европа и Велика Британија
  • Дак Пател, претседател, ЛИБЕРТИ Стил Австралија и САД
  • Реј Хорсбург, независен неизвршен директор
  • Пол Струијк, независен неизвршен директор

 

Биографии се достапни на: LIBERTY Steel Group Board

Како дел од новата управувачка структура, Грег Џонс е назначен за извршен директор на ЛИБЕРТИ Стил САД. Грег веќе 13 години е со ЛИБЕРТИ Стил и неговите претходници во Австралија работејќи на сениорски позиции во финансии и комерција, неодамна како управен директор за InfraBuild Wire каде што ги надгледуваше одличните деловни резултати. Грег ќе се пресели во САД со семејството за да ја заземе позицијата.

Консолидираната ЛИБЕРТИ Стил Групација ќе биде инкорпорирана во Сингапур и ќе има финансиска година на крајот на 31 март 2020 година за да се овозможи нејзиниот прв сет на консолидирани сметки да ги одразува нормализираните перформанси, со оглед на кризата со КОВИД-19. Бејкер Тили Интернешнл се назначени како ревизори на ЛИБЕРТИ Стил Групацијата.

Новоформираната ЛИБЕРТИ Стил Групација сега е осма најголема челична група, не вклучувајќи ја Кина, во која се вработени 30.000 луѓе со операции низ Велика Британија, Европа, САД и Австралија.

Последни новости

Прегледај сè